Barcelona do të përballet ditën e sotme me Osasunën në “Camp Nou” sfidë e vlefshme për javën e 32-të të la Liga. Kjo përballje do të startojë në orën 19:30, ku katalanasit do të synojnë dhe 3 pikët për t’u afruar gjithmonë e më shumë me titullin.
Në prag të kësaj sfide ka folru në konferencën për shtyp edhe trajneri, Xavi Hernandez, i cili ka theksuar se kundërshtarët do të luajnë gjithçka për gjithçka, pasi kërkojnë një vend në europë për sezonin e ardhshëm.
“Nuk e di me çfarë rreshtimi do të zbresë në fushë Osasuna, por di që do të luajnë ndeshjen më të rëndësishme të historisë së tyre. Nuk do të kursehen pasi janë duke zhvilluar një sezon të madh, por nga ana tjetër edhe për ne është një ndeshje e rëndësishme pasi nëse fitojmë bëjmë një hap më shumë drejt titullit. Duhet të tregojmë vazhdimësi.
A është kthyer Lewandowski? Mendoj se po dhe kjo jo vetëm për golat. Mendoj se tashmë është më dinamik në fushë dhe ka bërë hapa përpara. Është e kuptueshme që gjatë një sezoni ka momente në të cilat nuk ndjehesh mirë, sidomos pastaj kur vjen puna te një sulmues pasi atyre ju duhen edhe golat. Por, unë e them me siguri se sezoni i Leëandoëskit është brilant.
Yamal? Lamine Yamal është një person shumë i qetë pavarësisht moshës. Ai është me këmbë në tokë dhe është shumë inteligjent. Nuk do të kem probleme në menaxhimin e tij”, u shpreh Xavi.
Lexo gjithashtu
