U largua nga Shkodra për të qenë më qetë dhe në kushte më komode gjatë kësaj periudhe përgatitjesh, por Vllaznia nuk ka gjetur vendin ideal në Ulqin.
Sigurisht jo për fajin e klubin apo për ndonjë faktor fizik, por për arsye të temperaturave. Kushtet atmosferike e kanë kthyer në makth fazën përgatitore të Vllaznisë.
Terrenet sportive nuk janë të përshtatshme për shkak të ngricës, kushtet në palestër janë jo të favorshme sepse ka qenë shumë ftohtë, aq sa lojtarët janë stërvitur me kapuçë dhe dorashka.
Por, vuajtja e radhës vjen për mungesë të ujit. Vllaznia anuloi dje stërvitjen, për shkak se tubacionet e ujit të hotelit ku është akomoduar kishin ngrirë nga temperaturat e ulëta.
Ndërkohë që vetëm pas mesditës ky problem është zgjidhur dhe skuadra shkodrane ka zhvilluar një seancë stërvitore në orët e pasdites.
Lexo gjithashtu
