Vllazni U-21 dhe Teuta U-21 janë ndeshur në Shkodër, takimi i vlefshëm për javën e dytë të kampionatit. Kjo është fitorja e parë për këtë sezon të ri, pasi një javë më parë Vllaznia barazoi me Partizanin në 2-2.
3 pikët nuk kanë mjaftuar për të kënaqur trajnerin Elvis Plori, i cili pas takimit foli për mikrofonin e “Shkodra Sport”. Më poshtë mund të lexoni prononcimin e teknikut shkodran.
Prononcimi i Elvis Plorit:
“Kjo ishte java e dyte e kampionatit dhe ndeshja e parë në Shkodër dhe më vjen mirë që fituan, por ashtu siç kishte momente të mira ku skuadra luajti vërtete mirë. Në pjesën e parë kishim vërtetë mundësi të shënonim më tepër gola, kishte entuziasëm, u qarkullua topi dhe u luajt një futboll që e don Shkodra.
Ndërkohë në pjesën e dytë nuk jam i këtij mendimi, kishte oshilacione sidomos në gjysmën e dytë të saj dhe për këtë arsye duhet të këmbëngulim më shumë që këto djem të mësojnë të luajnë bukur futboll dhe të jenë të njëjtë në çdo minutë, nga e para tek e fundit e ndeshjes”
Vllaznia U-21 - Teuta U-21 3-1 ( Shimaj x2, Musaraj/ Hoxha)
Lexo gjithashtu
