Vllaznia poston golin e Çobës: Në vendin e duhur në kohën e duhur! Tifozët tallin në komente: Edhe në kampionat aty ku duhet jemi
Shkruar nga NEWSPORT
Vllaznia është në një moment të vështirë në kampionat teksa ka zbritur në vendin e pestë jashtë zonës europiane, që është një objektiv jetësor për skuadrën. Mungesa e rezultateve në 2 fazat e fundit bënë që nga gara për titull, shkodranët të rrezikojnë tashmë edhe kupat e Europës.
Një shije të hidhur lë kjo për tifozët që e kanë ndjekur klubin në çdo sfidë duke qenë të shumtë në tribuna. Klubi ka postuar një video ditën e sotme të golit të Çobës ndaj Kastriotit me diçiturën: Në vendin e duhur në kohën e duhur.
Nuk mungon ironizimi dhe sarkazma e shkodranëve që me humor komentojnë: Edhe në kampionat aty ku duhet jemi.