Xhuliano Skuka ishte një nga më të mirët në “Air Albania” ndaj Armenisë, në takimin miqësor që u fitua nga kuqezinjtë me shifrat 2-0. Xhuliano Skuka ishte një nga autorët e këtij triumfi për djemtë e Edi Rejës, e ardhmja e të cilit nuk dihet akoma.
Me golin e parë të shënuar me fanellën e kombëtares shqiptare, për sulmuesin e Partizanit kanë nisur tashmë edhe ofertat e reja në drejtim të tij. Përveçse në Turqi, një tjetër skuadër është vënë në gjurmët e dibranit. Bëhet fjalë për skuadrën e njohur të Serie A. Sipas “TuttoMercatoWeb.com” raportohet se Lecce po monitoron situatën e demave dhe së shpejti pritet të ketë në drejtim të tij edhe një ofertë zyrtare.
Kujtojmë se tek Lecce aktivizohet edhe mbrojtësi i kombbtares, Kastrioti Dermaku. Sigurisht, një transferim te Lecce do të ishte një hap gjigand në karrierën e Skukës, megjithatë me paraqitjet e këtij sezoni, dibrani ka provuar se është i aftë për gjithçka, teksa me Partizanin këtë sezon ka arritur të shënojë 7 gola në 12 javë të zhvilluara.
