Vilma Masha është gazetarja e mirënjohur shqiptare e cila prej më shumë se një dekade e shihnim në ekranin e Supersport si moderatore e emisionit “Gol pas Goli”. Vilma duket se është gati për një venturë të re dhe në një postim në rrjetet sociale ajo njofton vendimin e saj për t’u larguar pas 12 vitesh nga Supersport. “‘Gol Pas Goli’ ka qenë emisioni sportiv që kam moderuar për 10 vjet me radhë në ‘Digitalb’. Një eksperiencë e jashtëzakonshme, me orë të gjata transmetimi live dhe mjaft dinamik. Punët e mira nuk bëhen vetëm. Jam e lumtur që kam bashkëpunuar me një staf fantastik gazetarësh, që sot i kam edhe miq. Përfundoi rrugëtimi 12-vjeçar, që më dhuroi eksperiencë të shkëlqyer si gazetare dhe moderatorë. Mirënjohëse për ata që besuan vazhdimisht te unë. Do të shihemi së shpejti në një tjetër televizion! Ruani qetësinë dhe qëndroni pozitivë”, njofton Vilma Masha. Gazetraj pritet të rikthehet në ekran përsëri si moderatore por kësaj rradhe në televizionin “Vizion Plus” në një projekt që nis me Kupën e Botës dhe mbaron në fund të sezonit futbollistik.

 

View this post on Instagram

 

A post shared by Vilma Masha (@vilmamasha)