Ky Europian duket, për fat të keq një nga më të dhunshmit, të paktën deri tani. Huliganët anglezë dhe ata rusë janë përleshur mes tyre dhe ka pasur edhe shumë të plagosur e të arrestuar. Probleme të kësaj natyre ka thuajse çdo ditë, por më e keqja ndoshta ende nuk ka ardhur. Nesër luan Hungaria ndeshjen e saj të parë dhe ka frikë për trazira, sepse tifozët e saj janë nga më të dhunshmit në Europë. Hungarezët luajnë nesër me Austrinë dhe siguria për këtë ndeshje ka marrë një vëmendje të madhe pikërisht për këtë arsye, duke parandaluar dhunën ekstreme të tifozëve hungarezë.
