Superkupa e Kosovës ka përfunduar me fitoren minimale të Ballkanit përballë Llapit në ndeshjen e zhvilluar në Turqi. Goli i mbrojtësit Lumbardh Dellova, pas asistit të Armend Thaqit, mjaftoi për skuadrën e Ilir Dajës që ngre lart për herë të parë trofeun e Superkampionit të Kosovës.
Mirëpo, e gjithë vëmendja ka kaluar te një episode skandaloz në fundin e ndeshjes. Lojtarë nga të dy ekipet janë përplasur fizikisht me grushta e shkelma duke njollosur kështu futbollin kosovar.
