AF Elbasani fitoi dje 2-0 me AF Luftëtarin për javën e parë në grupin B të Kategorisë së Dytë. Sfida për të besuarit e Stojkut u vendos nga golat e Sejdinit dhe Lleshit në pjesën e dytë.
Pas 800 ditësh, skuadra e Elbasanit u rikthye të luante në shtëpi. “Elbasan Arena” u kthye në festë, teksa në stadium ishin afro 3 mijë tifozë, rekord ky për Kategorinë e Dytë.
Duket se elita e Shqipërisë duhet të marrë shembull nga e Dyta për numrin e tifozëve. Kujtojmë se AF Elbasani ka gati tre vite që është formuar nga bashkia e qytetit, pas falimentit të ekipit historik KF Elbasani.
Duket se rëndësia që i është dhënë futbollit në Elbasan, e bën skuadrën e Stojkut ekipin pretendent për ngjitjen në Kategorinë e Parë, kjo edhe për shkak të merkatos së mirë. Prezent në stadium ishte edhe grupimi "Tigrat Verdheblu".
Lexo gjithashtu
