Ilir Meta e ka shprehur hapur dashurinë për skuadrën e zemrës, Celtic. Presidenti i Republikës së Shqipërisë ka qenë mbrëmë i pranishëm në Romë për të ndjekur nga afër takimin mes Lazios dhe ekipit skocez. Fillimisht kanë qenë italianët ata kaluan në avantazh me Imobilen në minutën e 7-të, ndërsa në të 38-tën, miqtë barazuan me Forrest.
Pjesa e dytë ishte mjaft e luftuar dhe në një stadium të tejmbushur, atmosfera qe e zjarrtë. Presidenti Meta nuk ngurroi të mbështeste për 90 minuta skuadrën skoceze që në minutën e 95-të surprizoi vendasit duke arritur golin e fitores. Pikërisht momentin kur Ntcham vulos fitoren e skocezëve, kreu i Republikës së Shqipërise e ka ndarë me ndjekësit në rrjetet sociale.