Partizani është fitues i Kupës së Shqipërisë në Voleboll për meshkuj. Në takimin final luajtur sot në orën 18:00 në Pallatin e sportit “Asllan Rusi “ në Tiranë, të kuqtë kanë triumfuar me rezultatin 3 – 2 me sete ndaj kundërshtarëve shkodranë duke siguruar edhe trofeun e parë të këtij sezoni.

Një ndeshje të cilën djemtë e drejtuar nga traineri Ylli Tomori e kanë fituar me përmbysje duke arritur të rikuperojnë dizavantazhin 1 – 2 pas 3 seteve të parë dhe mbyllur gjithë takimin ne rezultatin final 3 – 2 . Për trainerin Ylli Tomori ky ishte edhe trofeu i 20 në karrierë dhe i pesti në krye të Partizanit.

Në këtë përballje nuk ka munguar edhe prezenca e grupimit “Ultras Guerrils”, të cilët kanë mbështetur fuqishëm ekipin përgjatë gjithë takimit.