Atalanta zhvilloi më 16 korrik një miqësore përballë Gambarogno-Contone, në kuadër të përgatitjeve që po zhvillohen për sezonin e ri. Fitorja ishte e thellë, pasi Atalanta fitoi me rezultatin 12-1.
Autor i një prej golave ishte pikërisht Berat Gjimshiti. Mbrojtësi kuqezi gjeti rrugën e rrjetës në golin e nëntë për skuadrën e tij. Po luhej minuta e 57’ dhe aksioni nis nga këmbët e tij.
Gjithçka duket e thjeshtë. Me 3 pasime topi gjen rrjetën dhe Gjimshiti fiton duartrokitjet e publikut të pakët në numër. Video e mëposhtme nuk ka nevojë për koment.
