Ernest Muçi është zyrtarisht lojtari më i ri i Besiktas. Gjigantët turq do të paguajnë 10 milionë euro për shërbimet e tij, 1 milionë nga të cilat do të shkojnë për Tiranën e cila ruan 10% të kartonit.
Lojtari do të nënshkruajë një kontratë deri në vitin 2027 dhe do të paguhet 1.8 milionë euro në sezon. Pikërisht paga që ish-sulmuesi i Tiranës do të përfitojë është ajo që bie në sy. Ndryshim drastik brenda pak viteve, që nga koha kur ishte pjesë e bardhebluve.
Në një intervistë të dhënë për SuperSport, disa vite më parë, Ernest Muçi i pyetur për pagën e tij te Tirana, shprehej se ai paguhej vetëm 300 mijë lekë. Ndërsa sot rroga e tij te Besiktas është plot 1.8 milionë euro.
[video width="360" height="360" mp4="https://newsport.al/wp-content/uploads/2024/02/425761405_688493660026061_4795157171001775952_n-1.mp4"][/video]
Lexo gjithashtu
