Legia ka arritur të fitojë 2-0 në shtëpi përballë Zaglebie. Ky takim ishte i vlefshëm për javën e dytë të kampionatit polak. Protagonist sërish ka qenë Ernest Muçi.
Sulmuesi shqiptar u aktivizua në minutën e 89’ si zëvendësues, teksa në minutën e 94’ arriti me mjeshtërinë e tij në zonë të fitojë penallti e cila u kthye më pas në gol nga Wszolek.
Kujtojmë se dhe në javën e parë Muçi ishte vendimtar për Legian, e cila barazoi 1-1 kundër Korona Kielce me golin e vetëm të shënuar nga ish-lojtari i Tiranës. Tashmë duket se sulmuesi 21-vjeçar po rifiton formën e tij më të mirë.
