Manchester United nuk ka mundur të shkojë më shumë se një barazim 2-2 kundër Leeds, ndeshje e prapambetur e javës së 8-të të Premier League. “Djajtë e Kuq” nuk ishin në nivelin e pritur në këtë sfidë duke humbur një shans të artë për të barazuar me 45 pikë Manchester City.
Takimi nisi siç nuk pritej për vendasit. Në minutën e parë të ndeshjes, Gnonto realizoi golin e parë duke shtangur United. Pjesa e parë përfundoi me shifrat 1-0 në favor të Leeds. Edhe e dyta filloi njësoj si e para. Në minutën e 48-të të takimit, Varane realizoi në portën e tij duke çuar rezultatin në 0-2.
Goli i parë për Manchesterin u shënua në minutën e 62-të me Rashfordin, ndërsa 8 minuta më pas Sancho barazoi rezultatin në 2-2. Pas kësaj ndeshje, Manchester United shkon në kuotën e 43 pikëve në vendin e tretë, kurse Leed në të gjashtëmbëdhjetin me 19 pikë.
