Katar 2022
Kukësi – Kamza 3-2
Kukësi: Frashëri, Ethemi, Krasniqi, Teqja, Xhemaili, Çyrbja, Dzaria, Limaj, Rrumbullaku, Rexhinaldo, Shkurtaj Trajner: Armando Cungu
Kamza: Avdyli, Shala, Qaqi, Bitri, Bonani, Rezi, Malaj, Mehmeti, Fukui, Plaku, Zisi Trajner: Gentian Stojku
Ndeshja: Një sfidë e luftuar që prodhon plot 5 gola. Vendasit janë më të vendosur për të marrë fitoren dhe në fund arrijnë të dalin me 3 pikë nga fusha e stadiumit “Elbasan Arena”. Fillimisht janë verilindorët që shënojnë me Shkurtajn. Skuadra mike kërkon të reagojë dhe arrin të barazojë shifrat me Masato Fukuin në minutën e 41-të. Pjesa e parë përfundon me shifrat 1-1. Ndërkohë në të dytën, verilindorët reagojnë shpejt teksa në minutën e 46-të, i sapofuturi Valdet Rama i jep avantazhin ekipit të tij. Skuadra e Cungut kërkon edhe golin e tretë dhe pikërisht me super Ramën në formë, arrin të shënojë me Rrocën, pas asistit të dhënë nga ish-lojtari i Kombëtares. Kamza mundohet të reagojë dhe sërish shënon me Martinenën në minutën e 77-të. Kështu mbyllet ky takim, me Kukësin që merr 3 pikë mjaft të rëndësishme. Verilindorët ngjiten në vendin e dytë me 41 pikë, 8 pikë më pak se Partizani i vendit të parë. Ndërsa Kamza mbetet në vendin e fundit me 16 pikë.
Komenti minutë pas minute:
90′- Gjyqtari i katërt jep 3 minuta shtesë. Rezultati mbetet i pandryshuar.
—- GOL KAMZA —-
77′- Martinena shënon golin e dytë për Kamzën. Kryevepër e italianit nga goditja e dënimit.
—— GOL KUKËSI ———
59′- Kukësi shënon sërish me protagonist Valdet Ramën. Mesfushori i njohur merr një inkursion nga mesi i fushës, driblon kundërshtarin dhe jep një asist për Eduart Rrocën i cili s’gabon para portës verilindore.
—- GOL KUKËSI —–
46′- Pjesa e dytë nis me një zëvendësim. Në dhomat e zhveshjes futet Xhemaili, ndërsa në vend të tij futet Valdet Rama. Është pikërisht ish-futbollisti i Kombëtares që bën spektakël duke shënuar një super gol për verilindorët.
45′- Arbitri i katërt jep 2 minuta shtesë, por rezultati mbetet i pandryshuar.
—- GOL KAMZA —-
41′- Ndodh e pabesueshmja. Kamza barazon shifrat me Masato Fukuin pas një gabimi të portierit Frashëri.
—– DZARIA RAST—-
32′- Kukësi pranë golit të dytë. Arbër Çyrbja ka një rast të artë, por portieri Avdyli bën mrekullinë.
—— PLAKU RAST —–
21′- Kamza pranë golit. Sebino Plaku bën të pabesueshmen përballë portës kuksiane.
—– GOL KUKËSI —–
8′- Kukësi kalon në avantazh. Dzaria vertikalon për Shkurtajn, i cili s’gabon përballë portës së Kamzës.
3′- Arbër Çyrbja provon me një gjuajtje nga larg, por pa rezultat.
1′- Topi i parë shkelmohet nga kamzalinjtë.
