Inter ka arritur të kualifikohet në gjysmëfinale të Kupës së Italisë. Zikaltërit kanë mposhtur 1-0 Atalantën, sfidë e cila ishte mjaft e luftuar. Ka mjaftuar goli i shënuar nga Mateo Darmian që Interi të shkojë më tej. Në minutën e 57-të të takimit, një aksion model i zikaltërve konkretizohet në mënyrën më të mirë nga Darmian që shkarkon të majtën e tij duke çuar topin në rrjetë. Duhet përmendur fakti që në minutën e 72-të, trajneri Inzaghi futi në lojë edhe Kristjan Asllanin. Mesfushori i kombëtares shqiptare bëri një performancë të kënaqshme, ndërsa nga kampi tjetër ishte në fushë nga minuta e parë Berat Gjimshiti. Këtu përfundon aventura në Kupën e Italisë për shtatlartin e fazës difensive të Atalantës.

Matteo Darmian pic.twitter.com/DZ9CNjn72E

— Alessandro (@90ordnasselA) January 31, 2023