Ditën e djeshme një episod mjaft i veçantë po aq dhe qesharak ka ndodhur në një ndeshje futbollit në Turqi, gjatë sfidës Sakaryaspor-Goztepe me këta të fundit që triumfuan 1-2.
Ndeshja ishte 0-2 në momentin që ndodhi një episod mjaft i veçantë dhe gazmor. Portieri i Goztepe, po vononte lojën në minutat e fundit të ndeshjes dhe po mbante topin në dorë. Në momentin që e uli topin në tokë, një lojtar i ekipit kundërshtar që po qëndronte pas tij, në mënyrë surprizuese i del para dhe i rrëmben topin, duke e dërguar në rrjetë.
Mënyra sesi Kasongo, autori i këtij goli të çuditshëm qëndron pas portierit është pak a shumë si loja “kukafshehti”. Video e këtij momenti po bën xhiron në rrjet, duke e parë këtë gol si një nga më qesharakët të shënuar ndonjëherë.
Kujtojmë se Sakaryaspor është ekipi ku aktivizohet Odise Roshi. Ky i fundit ishte titullar në këtë sfidë dhe luajti 46 minuta.
Momenti i golit qesharak. (VIDEO)
Lexo gjithashtu
