Listës së gjatë të kuqezinjve që tundën rrjetën fundjavën që lamë pas, i shtohet edhe Hysen Memolla. Kavajasi ka gjetur rrugën e rrjetës në fund të takimit, duke hipotekuar fitoren 1-4 që Kokkolan Pallo-Veikot (KPV) mori në transfertë ndaj Lahti-t.
Memolla u aktivizua titullar në këtë takim. Kjo ishte ndeshja e 7-të për 27 vjeçarin që ka shënuar edhe 3 gola. Edhe pse mbrojtës, Memolla ka treguar nuhatje goli. Edi Reja, tekniku i kombëtares kuqezi e ka lënë atë në “listën e pritjes” për ndeshjet kualifikuese ndaj Turqisë dhe Moldavisë.