Vllaznia-Egnatia 1-1
NDESHJA: Vllaznia bën një tjetër hap fals dhe në “Loro Boriçi” ngec ndaj Egnatias 1-1 duke marrë kështu barazimin e 4-të radhazi. Shkodranët e nisin mirë ndeshjen, por Aralica shpërdoron raste pafund për gol, ndërsa nga ana tjetër Egnatia nuk fal.
Ademi përfiton nga përgjumja e mbrojtjes vendase dhe pasi merr topin nga mesfusha e dërgon në rrjetë duke mposhtur portierin Zogovic. Në fraksionin e dytë, Vllaznia është sërish më kërkuese, por këtë herë ishte Da Silva që humbi një rast të artë duke mos shënuar nga 5 metra. Një rast flagrant humbi edhe Egnatia me Jakcson i cili vetëm përballë Zogovic nuk shënoi.
Shkodranët morën zemër nga ky rast dhe arritën të barazonin ndeshjen me Krymin. Mesfushori shkodran goditi saktë me kokë dhe barazoi takimin në 1-1. Me këtë gol të shënuar u mbyll edhe e gjithë sfida me Vllaznisë që bën një tjetër hap fals, ndërsa Egnatia merr një pikë të artë në transfertë. Me këtë pikë të marrë, Vllaznia shkon në kuotën e 27-të pikëve në vendin e 4-të, ndërsa Egnatia në vendin e 9-të me 15 pikë.
Java e 17-të e Superligës
Stadiumi "Loro Boriçi" / Ora 16:45
FORMACIONET ZYRTARE:
Vllaznia: Zogoviç, Gurishta, Adili, Fallou, Bulatovic, Krymi, Jonuzi, Kruja, Da Silva, Gjurgjevic, Aralica. Trajner: Thomas Brdariç.
Egnatia: Puja, Ymeralilaj, Krasniqi, Krivanjeva, Allmuça, Michael, Iseni, Levendi, Ademi, Jackson, Magani. Trajner: Zekirija Ramadani.
Gjyqtar: Orlando Kuka / VAR: Eldorjan Hamiti
Komenti minutë pas minute:
96' Mbyllet ndeshjam Vllaznia shpërdoron pafund dhe ngec në barazim 1-1.
80' E pabesueshme ç'humbet Aralica, sulmuesi i vetëm me portierin Puja gabon duke gjuajtur lehtë.
76' Vllaznia pranë golit të dytë, Diagne devijon topin me kokë, por topi kalon ngjitur me shtyllën
70' ' GOL!!! "Zgjohet" Vllaznia duke barazuar ndeshjen, Mustedanagic kroson në zonë, Krymi gjuan saktë me kokë duke e dërguar topin në rrjetë dhe duke mposhtur kështu portierin Puja.
68' "Ndizet" sfida në Shkodër, këtë herë është Egnatia që "fal" Vllazninë. Jackson i vetëm me portierin Zogovic gabon, portieri mban në lojë shkodranët.
64' Trajneri Brdaric nuk pret më dhe bën 3 zëvendësime, jashtë Gjurgjevic, Bulatovic dhe Kruja, në fushë Çoba, Hakaj dhe Mustedanagic.
61' Vllaznia shpërdoron një tjetër rast të artë, Jonuzi kroson bukur në zonë për Da Silvan, sulmuesi brazilian nga fare pranë gjuan jashtë.
46' Starton pjesa e dytë Vllaznia-Egnatia.
45+3' Vllaznia krijon rastet, Egnatia shënon golin, mbyllet pjesa e parë në “Loro Boriçi”.
40' GOL!!! Zhbllokohet ndeshja në Shkodër, Egnatian shënon golin e parë falë Ademit. Sulmuesi merr topin nga mesfusha dhe shkon drejt portës së Vllaznisë dhe më pas mposht edhe portieritin Zogovic.
37' Kundërpërgjigjet Egnatia, Iseni provon nga larg, por topi kalon mbi traun e portës.
28' Tjetër mundësi e mirë për Vllazninë, Jonuzi tenton nga jashtë zone, por topi kalon ngjitur me shtyllën e portierit Puja.
14' Shans i artë për gol për Vllazninë, Da Silva bën një marrje spektakolare të topit dhe nxjerr Aralicën të vetëm me portë, sulmuesi gabon pasi topet largohet nga Allmuça, provon edhe Gjurgjevic, por largon sërish mbrojtja e Egnatias.
1' Starton ndeshja, topi i parë shkelmohet nga Vllaznia.
Lexo gjithashtu
