Manchester City ka fituar 3-2 me Aston Villa në javën e fundit të kampionatit anglez, duke u shpallur kampionë të Premier League me 93 pikë, 1 më shumë se Liverpool. Skuadra e Guardiolës e ktheu në dramë përballë tifozëve të saj, teksa deri në minutën e 75 ishin në disavantazh 0-2.
Për përmbysjen e madhe është kujdesur Gundogan me dopietë dhe Rodry, që kanë kthyer në festë 90 minutat, duke zhvlerësuar fitoren e Liverpool kundër Wolves.
Fundi ka qenë emocionues, me Pep Guardiolën që nuk i ka mbajtur lotët, ndërkohë që ka shkuar më shpejt nga të gjithë në dhomat e zhveshjes. Tifozët kanë pushtuar fushën, duke lënë tribunat për të përqafuar lojtarët që i dhuruan titullin më emocionues ndër 8 trofetë e fituar të Premier League.
Poll
Lexo gjithashtu
