Shqipëria është mposhtur me rezultatin 1-2 nga Izraeli në “Air Albania”, duke u përmbysur në pjesën e dytë. Në fraksionin e parë të lojës, gjithçka ishte perfekte për kuqezinjtë tanë, që krijuan volum loje dhe raste të shumta.
Por goli i vetëm i Shqipërisë, erdhi vetëm në minutat shtesë të pjesës së parë, kur Balliu fiton një 11-metërsh. Ai që mori topin për të goditur, ishte bomberi Armando Broja, i cili u tregua i saktë dhe kaloi Shqipërinë në avantazh.
Në pjesën e dytë, ishin miqtë izraelitë ata që ishin më të saktë para porte, duke shënuar dy herë. Në minutën e 58-të, është Solomon ai që konkretizon me gol një kundërsulm të Izraelit. Broja humbet një top në mesfushë dhe miqtë nisen me shpejtësi përpara nga krahu i majtë. Solomon, pasi driblon Gjimshitin, gjuan me të majtën, duke barazuar shifrat.
Ndërsa në minutën e 73-të, pas një aksioni të gjatë, Solomon shënon sërish me portën e boshatisur, duke përmbysur shifrat dhe duke kaluar në avantazh Izraelin. Dy minuta më vonë, ishte Hysaj ai që u duk se barazoi për Shqipërinë, por mbrojtësi kuqezi ishte në pozicion të parregullt dhe goli u anulua. Edhe pse të besuarit e Rejës u munduan të gjenin golin e barazimit në 15 minutat e mbetura, rezultati mbeti i pandryshuar. Izraeli merr tri pikët e plota në “Air Albania” dhe njëkohësisht edhe kreun e grupit me 4 pikë, ndërsa Shqipëria, mbetet në kuotën e 1 pike.
UEFA Nations League
"Air Albania Stadium", Tirana
Shqipëri - Izrael 1-2
Broja (p) 45+2' / Solomon 58' 73'
90' Mbyllet takimi në "Air Albania", Shqipëria mposhtet me rezultatin 1-2 nga Izraeli.
75' Hysaj shënon dhe barazon shifrat, por goli anulohet. Pas pamjeve me VAR, duket se mbrojtësi kuqezi është në pozicion të parregullt.
73' Izraeli pëmbys gjithçka! Solomon shënon golin e dytë personal pas një pasigurie të portierit Berisha.
58' Barazon Izraeli, shënon Solomon. Broja humbet një top në mesfushë dhe miqtë dalin në kundersulm, me Solomon që gjen rrjetën
46' Starton pjesa e dytë në "Air Albania", Shqipëria në avantazh kundër Izraelit
45' Mbyllet pjesa e parë, Shqipëria udhëheq me rezultatin 1-0.
45+2' Penallti për Shqipërinë, e fiton Balliu! Broja merr topin dhe gjuan dhe shënon! GOOOL!
40' Broja është magjik! Bomberi kuqezi i driblon të gjithë dhe dhuron spektakël, por është i pafat, pasi gjuajtja e tij bllokohet.
27' Shqipëria pranë golit, goditja me kokë e Ismajlit devijohet nga mbrojtësit izraelitë dhe përfundon në goditje këndi.
20' Penallti për Shqipërinë, e fiton Uzuni. Por pas konsultimit me VAR, arbitri kryesor ndryshon mendjen dhe anulon vendimin.
19' Rast i diskutueshëm, Shqipëria pretendon për penallti. Uzuni rrëzohet në zonë, por gjithçka e rregullt.
10' Drithërima në portën kuqezi, Izraeli shumë pranë golit
1' Starton sfida në "Air Albania", kuqezinjtë duan vetëm fitoren.
Formacioni zyrtar
Shqipëria (3-5-2): Berisha (c), Veseli, Ismajli, Gjimshiti, Balliu, Asllani, Abrashi, Bajrami, Hysaj, Uzuni, Broja.
Lexo gjithashtu
