Kryeministri i vendit, Edi Rama ka publikuar një video sesi do duket pista e Autoparkut të Elbasanit. Risi për Shqipërinë, autoparku pritet të presë gara kombëtare dhe ndërkombëtare sa i takon shpejtësisë.
Veç të tjerash, gjithçka po mbikqyret nga Jean Todt, kreu i FIA. Në këtë pistë pritet që të trajnohen pilotë për garat me makina apo motora, që do jenë të aftë edhe në arenën ndërkombëtare. Gjithashtu aty do vendoset Akademia Kombëtare e Edukatës dhe Sigurisë Rrugore, një muze për mjetet historike dhe restaurimi I tyre, pistë motocrossi, si dhe një pistë për heliport, çiklizëm dhe gara për sporte ajrore.
"MIRËMËNGJES
dhe me një tjetër ëndërr nga ato që kanë hyrë në rrugën e realizimit, Autoparkun ultramodern të Elbasanit, projektuar në bashkëpunim me FIA-n, nën udhëheqjen e drejtorit të Transportit Rrugor Shqiptar, Blendi Gonxhe, e kujdesin e Presidentit Jean Todt, ju uroj një javë të mbarë", shkruan Rama.
Lexo gjithashtu
