Edicioni i 108-të i “Giro d’Italia 2025” një garë tre-javore çiklizmi me etapa, do të nisë në Shqipëri më datë 9 maj dhe do të përfundojë më 1 qershor në Romë.
Tre etapat e para do të mbahen në Shqipëri, fillimisht në qytetin bregdetar të Durrësit, xhiro që pritet të nisë rreth orës 13:00 nga Porti i Durrësit për të përfunduar më pas rreth orës 17:03 në Sheshin “Nënë Tereza”.
Etapa e dytë do të startojë në Sheshin “Skëndërbej” rreth orës 13:30 dhe pritet të përfundojë tek Sheshi “Nënë Tereza”, rreth orës 17:15.
Ndërkohë xhiroja e fundit në Shqipëri do të mbahet më 11 maj në Lungomare të Vlorës në mesditë dhe përfundimi parashikohet rreth orës 17:26 në rrugën “Sadik Zotaj”.
“Më datën 9 Maj nis në Shqipëri “Giro d'Italia 2025”, ku do të zhvillohen tre etapat e para.
Prezantimi i ekipeve pjesëmarrës në aktivitet do të bëhet në datën 7 Maj ora 20:30 në Sheshin “Skënderbej”.
Etapa 1: 9 Maj / Durrës – Tiranë.
Xhiroja nis rreth orës 13:10 nga Porti i Durrësit. Përfundimi i garës parashikohet të jetë rreth orës 17:03 në Sheshin “Nënë Tereza”.
Etapa 2: 10 Maj / Tiranë – Tiranë.
Gara nisë që nga Sheshi “Skënderbej” rreth orës 13:30 dhe pritet të përfundojë tek Sheshi “Nënë Tereza”, rreth orës 17:15.
Etapa 3: 11 Maj / Vlorë – Vlorë.
Xhiro do të nisë rreth orës 13:15, nga Lungomare. Përfundimi i garës parashikohet të jetë rreth orës 17:26 në Rrugën “Sadik Zotaj”, thuhet në njoftim.
Lexo gjithashtu
