Benevento bën “vetëvrasje” duke barazuar 1-1 ndaj Crotones që barazoi në minutën e fundit edhe pse ishte me 10 lojtarë. Vendasit shënuan golin e parë me Lapadula që në minuntën e 13-të, ndërsa Crotone ngeli me 10 lojtarë që në minutën e 24-të pasi Golemic doli me të kuq.
Kur dukej se ndeshja do të mbyllej me fitoren e skuadrës vendase, Simy në të 93-të barazon ndeshjen. Me këtë barazim, Benevento është me një këmbë në Serie B pasi duhet të fitonte me çdo kusht për të luajtur “finalen” direkt ndaj Torinos në javën e fundit të Serie A. Benevento ndodhet aktualisht në vendin e 18-të me 32 pikë, 3 pikë më pak se Torino që ka një ndeshje më pak.