Milan ka arritur të rikthehet tek fitorja në sfidën ndaj Torinos mbrëmjen e sotme të cilën e fitoi me rezultatin 1-0. Kuqezinjtë luajtën mirë duke dominuar sfidën, por Torino ishte aty herë pas here duke u shfaqur e rrezikshme. Golin e vetëm të ndeshjes e shënoi Rebic në minutën e 25 të takimit, pas asist nga Casillejo. Vetëm kaq do t’i mjaftonte ekipit të drejtuar nga Pioli për të hipotekuar fitoren dhe të marrë 3 pikët.
Me fitoren e sotme Milan ngjitet në vendin e 8-të të renditjes me 35 pikë, po aq sa Parma dhe Verona. Ndeshja e ardhshme e kuqezinjve do të jetë ndaj Fiorentinës së vendit të 13-të në transfertë.
Formacionet:
Milan (4-4-1-1): Donnarumma; Calabria, Kjaer, Romagnoli, Hernandez; Castillejo, Kessie, Bennacer, Rebic; Paquetà; Ibrahimovic.
Torino (3-4-3): Sirigu; Lyanco, Nkoulou, Bremer; De Silvestri, Rincon, Lukic, Ansaldi; Edera, Belotti, Berenguer.