Mediat në Ukrainë raportojnë se Dinamo e Kievit vazhdon përgatitjet për ndeshjen kundër Skënderbeut në Shqipëri. Skuadra po stërvitet në skemën origjinale.
Trajnimi para ndeshjes u vendos të mos bëhet në Shqipëri, por në Kiev, në fushat sportive të klubit.
Sikurse deklaroi trajneri i Dinamos, Alexandër Khatskevich, skuadra do të testojë fushën ditën e ndeshjes me skuadrën shqiptare. Skuadra do të flutorojë drejt Shqipërisë sot, në 22 nëntor.
Megjithatë, sic raportohet në ëeb-in zyrtar të klubit, do të ketë probleme me vendosjen e lojtarëve. Mbokani nuk do të fluturojë drejt Shqipërisë për shkak të një dëmtimi.
Sipas mediave vendase, në vend të Mbokanit në Shqipëri do të udhëtojë sulmuesi 19 vjeçar, Nazari Rusin, i cili është pjesë e ekipit të të rinjve. Gjithashu, thuhet se, në këtë takim, Dinamon nuk do ta ndihmojë futbollisti Vitaliy Buyalsky. Ndërsa Artem Kravets dhe Denis Garmash janë stërvitur të veçuar nga grupi ditën e sotme. Ndërsa gjendja paraqitet pak më e rëndë për Sidorchuk dhe Burda-n, të cilët prej kohësh ndodhen në infermierinë e klubit.
Kujtojmë, që Skënderbeu luan nesër, në orën 21:05, në “Elbasan Arena” ndeshjen e pestë dhe të fundit brenda ndaj Dinamos së Kievit, në kuadër të Europa Leagues. /NEWSPORT.AL/
Momente nga seanca e sotme stërvitore e ekipit të Dinamos së Kievit
