Italia fitoi Europianin 2020 ndaj Anglisë, me sfidën e Londrës që u vendos pas penalltive. Bukayo Saka, ylli 19 vjeçar i Arsenal ishte ai që gaboi i fundit përballë Donnarumma, teksa kapiteni i Italisë, Giorgio Chiellini ka konfirmuar "mallkimin" për djaloshin.
Përpara se të godiste topin, Chiellini bërtiti "Kiricocho", fjalë që përdoret shpesh nga futbollistët për të uruar fatin e keq kundërshtarëve. Në një intervistë për ESPN, Chiellini konfirmon se e tha fjalën para se Saka të godiste.
Po çfarë është mallkimi Kiricocho?
Juan Carlos 'Kiricocho', ose Quiricocho sipas disa versioneve të historisë, ishte një mbështetës i fortë i klubit argjentinas Estudiantes de la Plata gjatë viteve 1980.
Tifozi madje ndoqi disa nga seancat stërvitore të klubit, por trajneri kryesor i Estudiantes, Carlos Bilardo filloi të vinte re se lojtarët e tij dukej se në mënyrë misterioze lëndoheshin sa herë që ishte i pranishëm Kiricocho.
Bilardo, siç thuhet në legjendë, i tha Kiricocho të merrte pjesë në seancat stërvitore të rivalëve të Estudiantes, duke shpresuar të përdorë fuqitë e tij për të ndihmuar, në vend që të dëmtojë skuadrën e tij.
"Kiricocho ishte një fëmijë nga La Plata që ishte gjithmonë me ne, dhe që nga ai vit ne ishim kampionë (1982)", kishte thënë në atë kohë Bilardo.
Lexo gjithashtu
