Panajot Pano bën plot 10 vite që është ndarë nga jeta. 19 Janari i 2010 do të shënonte edhe ditën e lajmit të rëndë për futbollin shqiptar, aty ku një ndër figurat më të rëndësishme të Partizanit dhe Kombëtares do të largohej nga jeta në moshën 71 vjeçare.
Me golat dhe performancën e tij, Pano do të dhuronte shumë emocione për publikun, duke ngritur peshë tifozerinë që mbushte shkallët e stadiumit. Klubi i Partizanit e ka kujtuar Legjendën nëpërmjet një videoje të postuar në rrjetet sociale, aty ku tregohen momente nga karriera e Panajot Panos.
Postimi i Partizanit:
Sot mbushet një dekadë që Panajot Pano, një nga figurat më të njohura të
futbollit shqiptar dhe Partizanit, ndërroi jetë në moshën 71-vjeçare në
Jacksonville,Florida, SHBA.
Pano i cilësuar si “Legjenda e Futbollit” shqiptar përgjatë karrierës së tij
18- vjeçare si futbollist me performancën e shkëlqyer dhe golat e shënuar ka
dhuruar emocione të paharrueshme për publikun shqiptar. Me fanelën e Partizanit
Pano në 210 ndeshje të luajtura do të realizonte
plot 136 gola duke fituar me të kuqtë 4 Tituj Kampion dhe 5 Kupa, ndërsa me
përfaqësuesen e Shqipërisë rregjistron 24 ndeshje duke shënuar edhe 4 gola.
Një karrierë e shoqëruar me shumë lavdi dhe mjaft tituj individual
përfshirë:
“Mjeshtër i Merituar i Sportit”
“Lojtari më i mirë i të gjitha kohërave” akorduar nga FSHF në vitin 2003
“Lojtari i Shekullit” akorduar nga Uefa/Fifa
“Nderi i Kombit” akorduar nga ish presidenti republikës Bamir Topi në
vitin 2009
“Simboli Qytetit të Tiranës” titull i akorduar nga kryetari Bashkisë Erion
Veliaj në vitin 2017
Figura e Panajot Panos dhe emri i tij mbetet gjithmonë i paharruar në mendjet dhe zemrat, sidomos të tifozerisë së Partizanit, skuadër me të cilën fitoi gjithçka duke shënuar një dominim absolut të asaj periudhe në futbollin shqiptar.
Loading ...
