Ndarja e parakohshme nga jeta e ish-presidentit të Federatës së Futbollit të Kosovës ka tronditur mbarë opinionin publik në Kosovë. I ndjeri, jo vetëm që arriti të çonte në piedestal futbollin kosovar, por do të mbahet mend gjatë edhe për kontributin e dhënë për skuadrat e Superligës së Kosovës, konkretisht për Llapin.
Klubi nga Podujeva ka marrë një vendim të rëndësishëm në nder të ish-lojtarit të tyre, Fadil Vokrrit. Drejtuesit kanë vendosur të tërheqin fanelën me numrin 9, e cila vite më parë mbahej në fushë pikërisht nga ish-presidenti i FFK-së. Lajmin e ka bërë të ditur vetë klubi bardhekaltër përmes një njoftimi në kanalin zyrtar:
"FC Llapi merr vendim emocional por të përjetshëm dhe krenar në shenjë kontributi për Futbollin Shqiptar dhe për FC Llapi-n si klubi i parë i Fadilit
Kemi vendosur për realizimin e Muzeut kushtuar Legjendës së Futbollit Shqiptar të të gjitha kohërave, FADIL VOKRRI.
Po ashtu FC Llapi tërheq fanelën me numër 9 numri i CIRES tonë kështu e thërrisnin e gjithë Podujeva, numër ky që sezonin e fundit e barti Gentrit Begolli.
(Bashkangjitur gjeni Fotografinë e Legjendës në zhveshtoren e FC Llapi-t)", shkruhet në njoftimin e Llapit.
Lexo gjithashtu
