Erisildo Smaçi nuk do të jetë më pjesë e Dinamo City-t. Është vetë mesfushori 25-vjeçar që e ka konfirmuar diçka të tillë me anë të një njoftimi në Instagram, ku shkruan:
“Nga sot nuk jam pjesë e Dinamos! Falenderoj të gjithë njerëzit pa përjashtim që ishin pjesë e këtij klubi të madh. Falenderoj të gjithë tifozët e Dinamos. Jam shumë i lumtur për këto dy vite, për ku e gjeta dhe ku e lash. Uroj që Dinamo të shkojë aty ku e meriton! Forca Dinamo!”.
Kujtojmë që Smaçi ishte pjesë e Dinamos që prej verës së 2022-shit, kohë kur u transferua me parametra zero nga ekipi i Apolonisë. Në këtë sezon të fundit me Dinamon, Smaçi fitoi minuta në këmbët e tij, plot 1653 të tilla në 28 ndeshje mes Superiores dhe Kupës.
Tashmë pritet të shihet se ku do ta vazhdojë karrierën mesfushori, me 25-vjeçarin që është një okazion, për cilësitë dhe moshën e tij.
Lexo gjithashtu
