Bernard Berisha nuk do të jetë më pjesë e Dinamos për sezonin e ardhshëm. Është vetë sulmuesi i cili ka komunikuar këtë vendim të marrë në dakordësi me klubin kryeqytetas, duke shprehur mirënjohjen drejt presidentit, stafit, bashkëlojtarëve dhe në veçanti tifozëve dinamovit.
34-vjeçari shkruan në fund të postimit të tij se vendimi për klubin e ri do ta komunikojë shumë shpejt. Me fanellën e Dinamos, Berisha ishte protagonist absolut në sezonin që sapo lamë pas, duke zhvilluar 33 ndeshje mes kampionatit, Kupës dhe Superkupës, duke kontribuar me 1 gol dhe 4 asiste.
Ai ngriti lart trofeun e Superkupës së Shqipërisë, të fituar përballë Egnatias, ndërsa me kryeqytetasit e mbylli në top 4-she por pa ia dalë t'i shkonte deri në fund objektivit për trofeun e dytë.
Përpara se të rikthehej në Shqipëri, Berisha ishte pjesë Akhmat Groznyt në kampionatin rus, ndërsa ka luajtur po ashtu edhe me Anzhi dhe Terek Groznyt.
POSTIMI:
"Pas marrëveshjes me klubin Dinamo, nga sot jam lojtar i lirë.
Dua të shpreh mirënjohjen time të sinqertë për Presidentin e klubit, stafin,, bashkëlojtarët dhe të gjithë tifozët e Dinamos për mbështetjen dhe respektin gjatë kësaj periudhe. Ishte një nder të isha pjesë e këtij klubi dhe ju jam falënderues për çdo moment të përbashkët.
I uroj Dinamos shumë suksese në vazhdim, si në kampionat ashtu edhe në çdo sfidë që e pret në të ardhmen.
Ndërsa për mua fillon një kapitull i ri. Shumë shpejt do t’ju njoftoj edhe me skuadrën time të ardhshme.
Faleminderit për gjithçka!"
Lexo gjithashtu
