Karim Loukili është futbollisti më i ri i Egnatias. Kampionët e Superiores e kanë zyrtarizuar afrimin e tij përmes një postimi në rrjetet sociale.
Sulmuesi vjen nga nënkampionët e Elbasanit, skuadër me të cilën zhvilloi një sezon impresionues dhe tashmë do të vihet në dispozicion të trajnerit Nevil Dede për fazën përgatitore.
Kujtojmë se me verdheblutë, Loukili u paraqit në 38 ndeshje, duke shënuar 4 gola dhe dhuruar 9 asiste. Më parë, 29-vjeçari ka qenë pjesë e TOP Oss në kampionatin holandez si dhe me Debrecen në Hungari, Rigan në Latvi dhe Karmiotissa në Qipro.
POSTIMI:
"Mirë se vini Karim Loukili!
Klubi i Futbollit Egnatia njofton se sulmuesi Karim Loukili i është bashkuar zyrtarisht skuadrës dhe tashmë është pjesë e grupit në fazën përgatitore që po zhvillohet në Bansko, Bullgari.
I urojmë një mirëseardhje të ngrohtë në familjen bardhejeshile, shumë suksese, shëndet dhe sa më shumë arritje me fanellën e Egnatias."
Lexo gjithashtu
