Janë mbyllur të 36 javët e rregullta të “Abissnet Superiore”. Egnatia, Partizani, Vllaznia dhe Skënderbeu janë tashmë në garë për titullin kampion, me të katërta këto ekipe që kanë siguruar “Final 4”.
Rrogozhinasit e mbyllën në vendin e parë, Partizani në të dytin, Vllaznia në të tretin e Skënderbeu në të katërtin. Por nëse sezoni do të fillonte në vitin 2024, e gjithë tabela do të ishte ndryshe.
Në 18 ndeshjet e këtij viti, Teuta ndodhet në vendin e parë me 34 pikë, e ndjekuar nga Vllaznia me 33 dhe Partizani me 31. Në krahun tjetër, Skënderbeu nuk lëviz dhe mbetet në vendin e katërt me 29 pikë.
Egnatia kryesuese aktuale, nëse do merreshin parasysh vetëm sfidat e 2024-ës, do të renditej e 5-ta me 26 pikë dhe pas saj do të vinin Dinamo me 25 po aq sa Laçi i vendit të 7-të.
Tirana ndërkohë do të renditej në vendin e 8-të me vetëm 24 pikë, duke i marrë vendin Laçit, me kurbinasit që e mbyllën sezonin e plotë në zonën “Play Out”. Përsa i përket fundit të tabelës, as viti 2024 nuk do t’i shpëtonte Erzenin dhe Kukësin, që ndodhen në vendin e 9-të dhe të 10-të.
Lexo gjithashtu
