Egnatia dhe Dinamo barazuan në sfidën e vlefshme për javën e 10-të të Superiores. Ndeshja e zhvilluar në Rrogozhinë përfundoi në barazim, me rezultatin 1-1.
Një sfidë plot polemika siç ishte kartoni i dytë i verdhë për Aleksin, i cili la të tijët me 1 lojtar më pak. Pas debatit me Edlir Tetovën, ish-arbitri Klajdi Kola ka bërë dhe moviolën.
Kola thotë se kjo ndërhyrje ishte e qëllimshme nga Albano Aleksi, i cili sipas tij ndali një aksion premtues sulmues.
“Gjyqtari Xhaja shumë pranë aksionit e ndërhkon me karton të dytë të verdhë për tërheqje, ndalim i aksionit premtues. Shikojmë vendosjen e duarve të Aleksit, me duar e këmbë siç themi në gjuhën e sportit. Kështu që kemi të bëjmë me faull dhe karton të verdhë, edhe pse ishte i dyti, ishte karton i verdhë.
Gjykoj që përdorimi i krahëve nga Aleksi e bën që ky të jetë karton i dytë i verdhë. Ky faull i Aleksit është i qëllimshëm që ndalon një aksion sulmues premtues. Nëse do të ndërhynte vetëm te këmba nuk do të ishte karton të dytë të verdhë”, është shprehur Klajdi Kola.
Pamje nga ndeshja Egnatia - Dinamo / ©Credits RTSH SPORT
Lexo gjithashtu
