Pas ndeshjeve të para të fazës “Final 4”, vëmendja tashmë është zhvendosur te përballjet e dyta, ku Vllaznia do të sfidojë Egnatian, ndërsa Elbasani do të përballet me Dinamo City-n në duele që pritet të vendosin shumë për fatin e garës drejt titullit kampion.
Bilanci i përballjeve direkte gjatë këtij sezoni premton rivalitet maksimal. Vllaznia dhe Egnatia janë përballur katër herë, me dy ndeshje të mbyllura në barazim, 0-0 dhe 2-2, ndërsa dy fitoret e tjera kanë shkuar për shkodranët, të cilët triumfuan 2-0 dhe 1-0 në stadiumin “Loro Boriçi”.
Përballjet direkte Vllaznia – Egnatia 2025/26
Vllaznia 2-0 Egnatia
Egnatia 2-2 Vllaznia
Vllaznia 1-0 Egnatia
Egnatia 0-0 Vllaznia
Edhe sfida tjetër mes Dinamo City dhe Elbasanit pritet të jetë po aq e luftuar. Në katër përballjet sezonale mes tyre janë regjistruar një barazim 1-1, një fitore bindëse 4-1 e Dinamo City në “Air Albania”, si dhe dy fitore të Elbasanit në “Elbasan Arena”, me rezultatet 2-0 dhe 1-0.
Përballjet direkte Elbasani – Dinamo City 2025/26
AF Elbasani 1-0 Dinamo City
Dinamo City 1-1 AF Elbasani
AF Elbasani 2-0 Dinamo City
Dinamo City 4-1 Elbasani
Me rezultatet e ndeshjeve të para që e kanë bërë edhe më të fortë e interesante garën, përballjet e dyta të fazës “Final 4” mes Vllaznisë dhe Egnatias, si dhe Elbasanit e Dinamo City-t, pritet të prodhojnë të tjera mbrëmje emocionesh në betejën për fituesin e këtij edicioni.
Final 4/ Ndeshjet e dyta
Vllaznia vs Egnatia, 23.05.2026 19:00
Elbasani vs Dinamo City, 24.05.2026 19:00
Lexo gjithashtu
