Skënderbeu mbylli një sezon pozitiv duke mundur të jetë në 4 më të mirat dhe duke marrë pjesë në “Final Four”.
Por pikërisht në gjysmëfinalen e parë të kësaj skeme, korçarët zhvilluan një ndeshje shumë të dobët. Partizani dominoi gjatë gjithë 90 minutave edhe pse fitoi vetëm 1-0. Skuadra e Skënderbeut dukej sikur nuk kishte dëshirë të fitonte, duke pasur parasysh që shanset e tyre ishin të pakta në letër përballë ‘djemve’ të Orges Shehit.
Pavarësisht eliminimit nga “Final 4” duke hequr dorë nga titulli kampion, që as nuk mendohej në fillim të sezonit, Skënderbeu e ka fituar kampionatin e tij që në ndeshjen me Vllazninë.
Ai triumf me rezultatin 1-5, jo vetëm i siguroi një vend në katër më të mirët, por edhe i prishi planet e titullit ekipeve si Tirana apo Dinamo, duke dale krejtësisht jashtë pritshmërive.
Pra mund të quhet një kampionat i fituar për Skënderbeun, të cilët sezonin e nisën me objektiv mbijetese pa ditur se kanë fuqitë e nevojshme për t’u kthyer në kandidat për titull.
Lexo gjithashtu
