Derbi numër 174 mes Partizanit dhe Tiranës e vlefshme për javën e 6-të të “Abissnet Superiore” ka përfunduar në barazim. Supersfida e zhvilluar në stadiumin “Air Albania”, është mbyllur me rezultatin 0-0.
Një ndeshje që pritej të ishte me më shumë raste dhe emocione, por “Demat” dhe bardheblutë dukej të mos ishin në ditën e tyre më të mirë. Rastet kishte në të dyja krahët, edhe pse me “pikatore”. Megjithatë, asnjë prej ekipeve nuk shënoi dot.
Me këtë barazim Partizani shkon në vendin e 3-të me 9 pikë, ndërsa bardheblutë me 6 pikë të grumbulluara në 6 ndeshje, mbeten në vendin e 7-të në tabelën e renditjes.
Partizani 0 – 0 Tirana
Superiore: Java 6
Stadiumi: Air Albania
Arbitër: Juxhin Xhaja
FORMACIONET ZYRTARE:
Partizani: Qirko, Mehmeti, Zeka, Cara, Preka, Bintsouka, Buxhelaj, Taipi, Sembene, Hadroj, Rrapaj. Trajner: Aleksander Veselinovic.
Tirana: Selmani, Mici, Dembele, Soler Pino, Jonuzi, Abah, Haxhiu, Ismajli, Ermal Meta, Kola, Jarmouni. Trajner: Bledi Shkëmbi.
LIVE:
90+6' Mbyllet 0-0 derbi mes Partizanit dhe Tiranës.
90' Xhaja akordon 6 minuta shtesë.
87' Meta lë fushën e lojës i dëmtuar.
56' Nervozizëm në derbi, Rrapaj ndëshkohet me karton të verdhë.
48' Partizani i afrohet golit me Bintsouka.
45+5’ Mbyllet pjesa e parë e derbit në barazim pa gola.
45' Arbitri Juxhin Xhaja akordon 5 minuta shtesë.
23' Tirana pranë golit me Jarmouni, Pano Qirko përsëri protagonist.
15' Hadroj ndëshkohet me karton të verdhë.
13' Haxhiu tenton golin, Pano Qirko thotë "JO".
10' Zeka tenton një krosim drejt zonës, Dembele ndërhyn saktë dhe largon rrezikun nga zona bardheblu.
1' Në luftë për ngjyrat e kryeqytetit, nis spektakli i derbit Partizani – Tirana.
Lexo gjithashtu
