Regi Lushkja do të jetë futbollisti i ri i Egnatias. Lushkja transferohet tek Egnatia pasi mbylli aventurën e tij 2-vjeçare me Tiranën. Një goditje e kampionëve të Superiores që përforcojnë organikën me një lojtar të konfirmuar të elitës shqiptare.
Teksa është zbuluar edhe “ndërmjetësi” i këtij transferimi të bujshëm të Egnatias. Është portieri i këtyre të fundit, Alen Sherri që ka qenë “ura lidhëse”, mes Lushkjës dhe klubit rrogozhinas. Diçka të tillë e ka bërë të ditur vetë Sherri, sigurisht në batutë e sipër dhe duke e kthyer në gazmore pasi Sherri dhe Lushkja janë shokë të vjetër.
“I lumtur që bëra të mundur këtë transfertë. Shumë fat vëlla!”, shkruan Alen Sherri në Instagram duke e shoqëruar edhe me disa figura të qeshurash. Një batutë që nuk kishte si të kalonte pa u vënë re. Kujtojmë që Sherri dhe Lushkja ribashkohen, pasi së bashku kanë qenë pjesë e ekipit të Laçit nga viti 2020 deri në 2022.
Lexo gjithashtu
