Vangjel Zguro javët e fundit është një nga lojtarët më të përfolur në Shqipëri. 31-vjeçari u transferua te Partizani gjatë merkatos së verës, por kjo lëvizje për të nuk rezultoi të ishte e duhura.
Kjo pasi pogradecari është përjashtuar nga skuadra kryeqytetasve dhe prej disa javësh nuk ëhstë pjesë e tyre. Palët kanë bërë deklarata dhe kundërdeklarata ndaj njëri-tjetrit për situatën e krijuar.
Por kur tashmë merkatoja e dimrit është vetëm pak javë larg, Zguro sigurisht që do të tentojë të ndryshojë ekip. 31-vjeçari vazhdimisht është tepër aktiv në rrjetet sociale, teksa këtë herë ka bërë një tjetër postim që tërheq vëmendjen.
Zguro ka postuar një foto në “Insta-Story” ku veshur mban fanellën e Skënderbeut. Një “sinjal” nga 31-vjeçari mbase drejt korçarëve si një “sms” rikthimi në Korçë. Kujtojmë se në të kaluarën Zguro ka mbajtur veshur fanellën e Skënderbeut, madje ka mbajtur edhe shiritin e kapitenit, teksa në ka luajtur edhe për Kukësin, Luftëtarin, Bylisin, Korabin, Pogradecin dhe Kamzën.
Lexo gjithashtu
