Dinamo arriti të bënte një fitore spektakolare kundër Elbasanit në “Air Albania”, teksa përmbysi avantazhin e miqve në 4-1. Kryeqytetasit e drejtuar nga trajneri Ilir Daja shkëlqyen në një sfidë që prodhoi spektakël.
Entuziazmi në kampin blu është legjitim e për më tepër pas 180 minutave të mira ndaj dy pretendentëve për titull si Vllaznia dhe Elbasani.
Tashmë “Nëndetësja Blu” do të vijojë punën për të arritur objektivin, Kupat e Europës. Partizani i drejtuar nga Oltijon Kërnaja është vetëm 1 pikë më larg, teksa në këtë fazë ende nuk është luajtur përballja direkte.
Megjithatë deri atëherë ka ende kohë, por me këto dy performanca, padyshim që Dinamo e Dajës është ekipi për t’u mposhtur.
18-herë kampionët e Shqipërisë do të shkojnë këtë javë në transfertën e vështirë të Ballshit. Pritet me interes të shihet se si do të përfundojë kjo përballje me Dinamon që po kalon një superformë, bashkë me një Dejvi Breg që duket i pandalshëm.
Momenti “Jo” është lënë pas dhe tashmë skuadra e Dajës do të tentojë të marrë pikët maksimale.
Lexo gjithashtu
