Egnatia do të presë në shtëpi nesër në orën 16:30 Dinamon për ndeshjen e vlefshme për javën e 28-të të Superiores, që përkon edhe në nisjen e fazës së katërt. Ekipi rrogozhinas kryeson në elitën e futbollit shqiptar, ndërsa Dinamo ndodhet në një vend më poshtë me 2 pikë më pak.
Ditën e sotme, Egnatia ka përfunduar seancën e radhës në stërvitje përpara një prej sfidave më të rëndësishme të sezonit. Një fitore ditën e nesërme, do t’i jepte skuadrës së Tetovës një shtysë të madhe drejt “Final 4”.
Megjithatë, Ilir Daja me të besuarit e tij do të japin gjithçka ndaj Egnatias, ndoshta edhe për t’i marrë vendin e parë në Superiore. Bilanci këtë sezon mes të dyja skuadrave është i balancuar, 1 fitore Egnatia në ndeshjen e parë me shifrat 2-0, takimi i dytë në barazim me shifrat 1-1, ndërsa ndeshja e tretë është fituar nga Dinamo me shifrat 2-1.
Lexo gjithashtu
