Franklin Ahanonu është tashmë edhe zyrtarisht lojtari më i ri i Astanas. Futbollisti gazen u shit nga skuadra e Skënderbeut te kazanët, tek të cilët do të vazhdojë karrierën.
Si një “rrufe” në qiell të hapur erdhi ky transferim, për të cilin sigurisht klubi korçar ka mbushur arkat. Plot 450 mijë euro ka siguruar fillimisht Skënderbeu nga ky transferim, shifër kjo që mund të rritet në bazë të bonuseve që lojtari do të marrë te skuadra kazake.
Bonuset kanë të bëjnë me objektivat e klubit dhe performancën e lojtarit në bazë të ndeshjeve si titullar dhe golave të shënuar. Ndërkohë siç jemi mësuar tashmë, Skënderbeu ka mbajtur edhe një përqindje të kartonit të lojtarit.
20% të kartonit tashmë zotërohet edhe nga Skënderbeu, që do të thotë në rast të një rishitje të sulmuesit gazen nga Astanët në një klub tjetër, arkat e klubit korçar do të “mbushen” sërish. Kujtojmë se Franklin në këtë sezon me fanelën e Skënderbeut ka mundur të shënojë 9 gola dhe të asistojë 2 herë në 18 ndeshje të zhvilluara.
Kujtojmë se 22-vjeçari para se të kalonte te Skënderbeu ishte pjesë e Turbinës së Cerrikun, teksa tashmë me Astanën në Kazakistan ka nënshkruar një kontratë 3-vjeçare.
Lexo gjithashtu
