Ka përfunduar ditën e sotme derbi i kryeqytetit për vajza midis Partizanit dhe Tiranës. Sfida është luajtur në “Arena e Demave” dhe është mbyllur në rezultatin tenistik 6-0 në favor të “të kuqve”. Kjo ndeshje ka hapur siparin e kësaj jave në futbollin e femrave.
Tirana e femrave është paraqitur nëë mënyrë skandaloze duke mos gjet as edhe golin e nderit. Partizani e nisi vrullshëm dhe e mbylli pjesën e parë në avantazhin e thellë 4-0. Të katërtat gola u shënuan nga e njëjta lojtare, Elma Kadriu. Futbollistja me origjinë nga Kosova realizoi një “furi” golash ndërmjet minutës së 29-të dhe 41-të.
Ky takim ishte i vlefshëm për javën e 4-të të Superligës së Femrave, që e kryeson ekipi i kuq me pikë të plota, 12 dhe me 4 fitore. “Bardheblutë” marrin humbjen e tretë dhe ajo që dhemb më shumë se forma disastre, është humbja në derbi.
Lexo gjithashtu
