Egnatia mposhti Laçin në shtëpi me rezultatin 2-1 në një ndeshje të luftuar deri në minutën e fundit dhe merr kryesimin e kampionatit me 10 pikë, aq sa Tirana.. Pas përfundimit të sfidës, trajneri Edlir Tetova dha prononcimin e tij për MCN TV.
Vendi parë? Është e vërtetë por nuk duhet t’i gëzohemi kësaj pasi formula e formatit nuk të lë të gëzohesh. Kemi 4 lojtarë jashtë, dua t’i falenderoj të gjithë për shpirtin që dhanë.
Pozicioni i Zejnullait? Zejnullai është lojtari që shkon në sulm, sot ishte efektiv deri në pjeësën kur u bë goli. Në pjesën më pas nuk jam i kënaqur nga skuadra pasi linte shumë hapsira.
Rezultate pozitive me Laçin? Kemi marë 5 fitore e 1 barazim sezonin e kaluar, sot ishte një fitore e vuajtur me gjithë këto sakrifica e mungesa. Dua t’i komplimentoj. Memolla është ndeshja e dytë që luan. Kur ekipi shkon mirë ska pse të ketë ndryshime, por jam i kënaqur me të dhe për 3 pikët.
Pozicioni i Spahiut? Akoma nuk ka hyrë 100% te manovra jonë. Sot ishte ndryshe, edhe pse duket sikur nuk bën asgjë në fushë ai ka shumë rëndësi kur prek topin. E komplimentoj për golin dhe fitoren.
Titulli? Egnatia luan për Final Four, më pas shohim të gjitha mundësitë.
Lexo gjithashtu
