“Ruleta Ruse” fundosi Holandën në Kupën e Botës, ku fati i buzëqeshi Argjentinës së Lionel Messit. “Tulipanët” ishin në disavantazh të dy golave deri në minutën e 80-të, por atëher kur dukej se ndeshje kishte përfunduar, holandezëty gjetën forcat dhe shënuan dy gola duke “shokuar” të gjithë. Koha shteës nuk vendosi dot fituesit, ndërsa fjala i mbeti penalltive, ku më të saktë u treguan argjentinasit, që u kualifikua në gjysmëfinalen e Kupës së Botës.
Tekniku i holandezve, Van Gaal i shfryn nervat arbitrimit, pasi sipas tij penalltia e dhënë për “Albicelestët” ishte e dyshimtë.
“Në fund të lojës lojtarët i thanë diçka njëri-tjetrit kur u mblodhën rreth, por nuk e kuptova se çfarë. Ne e gjetëm veten me rezultatin 0-2 pas një penalltie, e cila në sytë e mi është shumë e dyshimtë. Ia dolëm të barazonim, por më pas u bëmë lëmsh te penalltitë… Gjithsesi, unë e kam shprehur gjithmonë se penalltitë janë të paparashikueshme. Dua ta shoh edhe njëherë penalltinë e Argjentinës. Nuk më pëlqeu aspak arbitrimi, edhe pse nuk u eliminuam prej tij. Ne luajtëm mirë, por për fatin tim të keq është hera e dytë që eliminohem me penallti nga Kupa e Botës pas Brazil 2014”, u shpreh Van Gaal.
Lexo gjithashtu
