Ultranacionalisti rus u bën karshillëk francezëve, arrestohet

Aleksandër Shprugin, një ultranacionist rus, e ka pasur të ndaluar të hyjë në Francë, pasi është shpallur “non grata” nga ky vend, pas një procesi drejtësie. Por, Shprugin, i njohur si një kapo i ultravse të Rusisë, një filonazist dhe njeri afër Valdimir Putinit, është shfaqur para stadiumit të Tuluzës pasditen e së hënës, para se të luhej ndeshja mes Rusisë dhe Uellsit. Ai nuk është fshehur aspak, madje ka postuar edhe foton para stadiumit në “Twiter”. Një karshillëk i hapur ndaj policisë franceze, që e ka arrestuar më pas, por nuk ka dhënë detaje se si ky ultranacionalist rus i rrezikshëm gjendej në Tuluzë dhe lëvizte aq lirshëm.