Partizani dhe Stenio Junior janë drejt ndarjes. Braziliani nuk është i lumtur në klubin e kuq dhe me fundin e kontratës muajin tjetër, nuk pritet të rinovojë. Kështu do kemi një prej lojtarëve më të mirë në Abissnet Superiore të lirë, pasi të kuqtë nuk po arrijnë ta mbajnë.
Dëshirën për t’u larguar Junior ja u ka shprehur dhe drejtuesve, prandaj gjithçka mund të quhet e mbaruar. Sulmuesi 30 vjeçar shihet si dëshirë e rivalëve të Tiranës dhe kjo mund të jetë një prej arsyeve që kërkon të ndërpresë bashkëpunimin.
Junior është ndër më të mirët e këtij sezoni te "Demat e Kuq", me 11 golat dhe 6 asistët e tij në kampionatin shqiptar. Mund të jetë mungesa e trofeve dhe rotacionet brenda klubit që kanë ndikuar. Kështu skuadrat e tjera e kanë derën e hapur nga Partizani për të tentuar sulmuesin.
Lexo gjithashtu
