Menjëherë pas ndeshjes me Laçin të mbyllur në barazim 1-1, ka folur për mediat edhe trajneri i Skënderbeut Orges Shehi. në një prononcim për Supersport ai ka theksuar se skuadra ishte mjaft me dëshirë në fushë, dhe këtë e tregoi kur kërkoi fitoren edhe me 10 lojtarë. Gjithsesi ai u tregua i hapur kur theksoi se u bë trajner në një situatë emergjente dhe ndoshta para kohe, por ish-gardiani theksoi ishte një detyrim për të ndihmonte skuadrën në këtë situatë.
“Nuk ka ndryshuar asgjë, ne prodhuam shumë sot dhe tentuam të fitonim edhe kur ishim me 10 lojtarë. Nuk arritëm të konkludonim dhe duhet ta pranojmë. Pësimi i golit mund të evitohej, tranzicioni jonë kishte pak probleme por më pas reaguam. Kishim shumë dëshirë për të fituar dhe kjo mbase solli dhe kartonin e kuq. S’dua të merrem fare me arbitrin. U bëra trajner në një situatë jo normale dhe emergjente. Pak si shpejtë por ishte e nevojshme të merrja atë përgjegjësi, ishte detyrim për mua. Presim dhe dy lojtarë akoma brenda këtyre orëve”, deklaroi Shehi pas ndeshjes.
Loading ...
