Kastrioti ka pësuar humbjen e parë në këtë sezon, por me skuadrën më të mirë të këtyre viteve Skënderbeun. Krutanët u mposhtën që në pjesën e parë duke pësuar dy gola dhe një në pjesën e dytë. Për teknikun e Kastrioti Elvis Plori kjo ndeshje nuk duhet konsideruar si dështim duke pranuar diferencat e mëdha që ekipi i tij ka në rezultate dhe në përbërje me bardhekuqtë. Ndër të tjera ai pranoi se humbja ishte e parashikueshme për takimin e sotëm.
“Ne e kemi ditur për vështirësinë me Skënderbeun, por do të doja që pjesëne parë ta mbyllnim në barazim. Deri në momentin e golit, ishim mirë, nuk lamë hapësira. Por goli ia parë na theu. Ajo na çorodditi pak, sepse s’kemi eksperiencën e duhur. Emocionet,ndeshja parë, entuziazmi ndikuan te ndeshja. Jam i mërzitur për dublimet e krahëve sepse s’ ishin në lartësinë e duhur. Edhe mesfusha s’kishte agresivitet për të shtytë para. Mendova se ishte një zgjedhje më e mirë me 9 shin fals. Pjesën e dytë sksihim ç’të humbisnim. Kalova me 5 sulmues për të hapur ndeshjen, por nuk eci. Ishim skuadër e vogël sepse kishim përballë Skënderbeun. Kisha frikë ta çoja skuadrën lart duke parë vështirësitë në krah dhe rrezikun që paraqet Skënderbeu. Nuk mund të sulmoja hapur”, deklaronm trajneri i Kastriotit për “Gol pas goli”.
Loading ...
